Belga tenisisto (Bruxelles 1924).
• Parencaro: Jean WASHER (patro).
• Plennomo: Philippe WASHER.
• Prononco: [fiʼlip waʼʃe].
Eĉ se oni scias preskaŭ nenion pri sia vivo, Philippe WASHER estas unu el la plej talentaj kaj sukcesaj tenisistoj tra la historio de la belga sporto, kiu reprezentas sian landon en la turniroj Davis Cup inter 1946 kaj 1961.
Unue, Philippe WASHER fariĝas membro de la Royal Léopold Club kaj ekludas tenison je la aĝo de 6 jara, kun sia patro kiel fervora trejnisto. Li gajnas sian unuan turniron je la 9a de Majo 1940 ĉe La Rasante Lawn Tennis Club, apenaŭ unu tago antaŭ la Batalo de Belgio, dum kiu li estas volontulo por la belga armeo. En 1942 li ankaŭ gajnas la French Junior Championships.
Poste, Philippe WASHER gajnas naŭfoje la Belgian National Championships inter 1945 kaj 1954, escepte en 1950 kiam li devigas forlasi la turniron pro malsano. En 1952, li atingas la duonfinalon de la Royal Belgian Tennis Federation Fiftieth Anniversary Tournament. En 1957 li atingas la interzonan finalon de la Davis Cup kun la belga teamo. Samjare li gajnas la Lebanon International Tennis Championships kontraŭ Warren WOODCOCK. En 1961 li unuafoje emeritiĝas, transloĝiĝas en Svisio, ekludas golfon kaj partoprenas en la Eisenhower Trophy en 1964.
En 1967 Philippe WASHER revenas de sia unua emeriteco por gajni la duoblan turniron Belgian National Covered Courts Championship kun Jacky BRICHANT. Ankaŭ, inter 1968 kaj 1971, li kvarfoje gajnas la Wimbledon Veteransʼ Doubles kun Jaroslav DROBNÝ. Post definitiva emeriteco li fariĝas prezidanto de la Royal Léopold Club de 1983 ĝis 1994.
